
Wótwórjona biblioteka w Górnem Wujězdźe
W běgu lět jo se našomu towaristwoju priwatnych wósobow wjele knigłow pśewóstajiło. Pópšawem smy kśěli rady zasej biblioteku załožyś, k comuž pak nam rumnosći a personal brachuju. Něnto smy rozwězanje namakali.
Stara telefonowa cela jo Hanzo –Joachim Pötschke procu naźěłała a Rainer Kissel z regalami wugótowała. Stojnišćo srjejź jsy pódla busowego zastanišća su sobuźěłaśerje twaŕskego zawoda našeje gmejny pśigótowali a telefonowu bańku stajili. Wutšobny źěk na wšykne pomocniki a na enviaM za pódpěru našogo projekta.
Pónjeźele (18.07.2016) wót 18 zeger buźomy telefonowu bańku z knigłami póscyniś a k wužywanju pśewóstajiś.
Žycymy sebje, aby wjele wobydlarjow a woglědowarjow toś tu nowu móžnosć knigły wupóžycyś wužywało.
Górny Wujězd, 15.07.2016 Johanna Gruner.
Pšosym woglědajśo se k toś tomu bokoju skóro zasej.
Wutšobny źěk za waš zajm!
wuměnjenja za wužywanje
cytański lust bźez kóńca
Toś te knigły kśě sobu weześ a cytaś – wšojadno lěc na parkowej ławce, pśi jazorje, doma abo w dowolu.
Cytaj to – a pótom?
Knigły nejlěpjej jadnorje zasej do našeje knigłoweje spižki slědk stajiś, jolic móžno njejo, pótom na zjawnem městnje drugim zagórjonym cytańskim k dispoziciji stajiś.
Graj sobu!
Jadnorje swójske knigły, kótarež coš drugim cytarjam k dispoziciji stajiś, do našogo wótwórjonego knigłowu spižku stajiś. Nowe knigły se pšawidłownje z nalipkom wugótuju a tak našej bibliotece pód gołym njebjom dermotnje pśepódawaju.