Wjesna barokna cyrkej
Witaj we wjesnej baroknej cyrkwi w Delnim Wujězdźe 1342 steješe tu wot Klukša njewotwisna kapałka. Pod knjezom von Metzradom wotmě so 1466 přetwar kapałki, wšako bu pod knjezom von Nosaćicy prěnja ewangelska drjewjana cyrkej natwarjena, po tym zo bě Delni Wujězd w lěće 1551 reformaciju přiwzał a "EVANGELISCH" stał. Prěni ewangelski farar Delnjeho Wujězda, kotryž bu direktnje wot reformatora Bugenhagena požohnowany, rěkaše: DONATUS MOELLER.
Nětčiša cyrkej w Delnim Wujězdźe bu wot 1711-1716 pod knjezom von Metzrada natwarjena. Hakle 1726-1735 wotmě so twar wěže a tež přitwar łožow.
W lěće 1853 dóńdźe w Delnjowujězdźanskej cyrkwi k wohenjej. Woheń pak móžachu spěšnje zhašeć.
Wjeršk wěže bu 1869 a 1967 změnjeny -hač skónčnje cyrkwina wěža w lěće 1962 swój nětčiši napohlad dósta.
W lěće 1984 započachu so dźěła na cyrkwi. Zatwarichu elektronisku zwonowu zwukowu připrawu a ćěslojo stabilizowachu cyrkwinu wěžu z pomocu wulkich hrodow.
Tři zwony Angelika, Gloria a Irena přiwołaja Hornjowujězdźanam:
Słuchajće wjesołe poselstwo (Angelika),
Budźće žiwi k česći Božej (Gloria),
Dźeržće mjez sobu měr (Irena)!
Nutřkowny rum bu w lětomaj 1837 a 1893 změnjeny. W lětach 1946-1956 bu wot W.Rittsche z Drježdźan nutřkowna škla znowa konceptowana. Při poslednjej rekonstrukciji bu w lěće 1993 prěnjotna barokowa wersija w nutřkownym rumje zaso zhotowjena. Znowaposwjećenje cyrkwje wotmě so na 06.11.1994.